试食老麦3款Signature新包EotF店1800后送餐到

收藏:644

试食老麦3款Signature新包EotF店1800后送餐到

麦当劳全线推出三款全新Signature系列新包,用上咗高级嘅食材,连套餐包装都改埋,再加上客人可以选择McCafe其中四款食品,实行走高档路线, 但出嚟又唔係贵过以往一般套餐好多喎!我哋一于狗冲去为大家试下呢三款全新高级食材包包係咪物有所值先。

今次三款就包包括有芝味蘑菇安格斯汉堡、清新田园烤鸡堡同埋狂惹火辣脆鸡堡。全部採用更高级嘅食材,连其中安格斯汉堡扒都比以往加码,睇到已经会觉得同麦当劳以往嘅所有包都完全唔同级数。

试食老麦3款Signature新包EotF店1800后送餐到

芝味蘑菇安格斯汉堡

法式甜包配达130g嘅100%安格斯牛肉汉堡扒,再加入车打芝士同白芝士、香烤荷兰蘑菇、罗马生菜同埋松露风味酱。笔者亲身试过觉得松露酱同芝士够香、牛肉味浓又Juicy又够分量,完全係食肉兽之选。

试食老麦3款Signature新包EotF店1800后送餐到

清新田园烤鸡堡

锺意清新口味嘅朋友呢个清新田园烤鸡堡就啱晒,用小麦圈夹上嫩滑烤鸡,配以墨西哥牛油果蓉、新鲜蕃茄同生菜、蒜香蛋黄酱同白芝士。呢个笔者食落就觉得真係有好浓厚嘅田园风味,牛油果蓉味浓又清新,烤鸡够香够滑,虽然较油但连同其他田园配料反而夹得恰到好处,口感与味道都一流。

试食老麦3款Signature新包EotF店1800后送餐到

狂惹火辣脆鸡堡

要食辣呢个狂惹火辣脆鸡堡肯定唔可以错过。採用意式香软包配以脆香鸡胸扒,配以墨西哥风味辣茄酱、墨西哥小辣椒仲有新鲜生菜同菠萝。笔者一啖咬落去发现同时会有鬆软同爽脆口感,酸甜香辣味道亦同时于口中爆发,虽然几辣但又唔会令人抗拒,甚至会一试上瘾!呢度顺手提提大家,呢个包可以叫小辣,咁就算真係食唔到辣嘅朋友都可以试到啦!

试食老麦3款Signature新包EotF店1800后送餐到

◆ 新Signature系列连个餐嘅包装法都唔同

五款McCafe饮品入理餐

随住Signature系列嘅推出,麦当劳更将四款McCafe当中嘅饮品加入套餐当中畀大家选择,咁先衬得起呢几款高贵嘅包包架嘛!呢四款饮品包括Cappuccino、Latte、Long Black同埋冇咖啡成份嘅Oreoccino。

My Signature选择更多

上面介绍三款包打后会喺全线麦当劳长期供应,大家就可以慢慢去试真唔使咁心急。不过大家觉得仲唔够嘅话,麦当劳仲提供咗「My Signature」畀大家选择。以上三款包都分别由唔同嘅麵包、蔬菜酱料同埋牛肉/鸡肉组成,而「My Signature」就係畀大家于三组各三款当中自由组合,变成有额外多24款选择,等大家可以製出最合自己口味嘅款式。

力推EotF讲体验

可能有唔少朋友都已经发现近一年唔少麦当劳分店已经改头换面,新增咗唔少设备。原来佢哋係想提供一个全新嘅EotF(Experience of the Future)服务模式。内容包括咗自助点餐机、电子餐牌、开放式柜台、USB充电站、自助水机等。而去到每日黄昏6点以后更会提供送餐到客人面前嘅服务。据有关方面表示,现时已经有60间分店改成EotF模式,计划去到年底会增加至100间,到时大家就可以好易搵到EotF店去享受新一代嘅服务体验。

试食老麦3款Signature新包EotF店1800后送餐到
◆ 全新开放式柜台试食老麦3款Signature新包EotF店1800后送餐到
◆ 自助点餐机,会有专人教你点用试食老麦3款Signature新包EotF店1800后送餐到
◆ 除咗既定三个款式,仲可以拣「My Signature」去自选唔同租合试食老麦3款Signature新包EotF店1800后送餐到
◆ 饮品款式亦更多试食老麦3款Signature新包EotF店1800后送餐到
◆ 每晚6点后,点完餐会有专人送餐,记得入返你个牌嘅number呀!试食老麦3款Signature新包EotF店1800后送餐到
◆ 部份位置会USB头比你充电,不过线要自己带试食老麦3款Signature新包EotF店1800后送餐到
◆ 依家可以自己斟水,冷热随意